الفرسان الأربعة:”كانوا الناس يقولولنا بكرا بدن ياخدوكن عالحبس بظل الإحتلالات والقمع”

إستقبلت الإعلامية نسرين ظواهرة الفرسان الأربعة ضمن برنامجها “متل الحلم” عبر إذاعة صوت لبنان 100,5 fm
الفرسان إعتبروا أنفسهم اليوم كماليّات بالنسبة للناس قائلين :” إذا الوضع سيئ بتسهري ببيتك”، وأشاروا إلى أن كل الناس بحالة ترقب وخوف ورعب قائلين :”في شي واعدينا فيه إسمو ربيع عربي مش معروف شي ، هناك تغيّرات إقليمية ودولية ولكن على الإنسان أن يبقى يحلم “.

وإعتبر الفرسان أنهم غنوا كل المواضيع ، وأضافوا :”الجيش اللبناني بتعمليلو غنية بتنزل نص نهار” ، هناك حق على الإعلام والمجلات والتلفزيونات والإذاعات ، نحن حاربنا العالم بالثقافة والموسيقى ، “الإذاعة ما بتحط الأغاني غير ما تقبض مصاري ، وفكرة هالأصوات الحلوة هذا تميّزنا بالشرق الأوسط ، وأقوى حدا بالحياة هو اللي ما بدّو شي “. 

وأضافوا :” اللي بيفش القلب هو هالفريق الحلو ، بس نعمل عمل فني مننسى كل شي ، بس لسوء الحظ مش عم يعطونا الفرص” ، نحن ملتزمون لبنانياً واخلاقياً ، “الفنان شو بيطلع من تمّو وشو بيغني في أجيال بدّا تحاسبو “.
وقال الفرسان : أصدرنا الكثير من الاغاني ” قدّيش إندعمت ؟ عم نرفع صوتنا وصوتك وهيدا صوت الناس ، اذا وصلت الأغنية على إذاعة قبل التاني ببطلوا يمرقوها “.

وعن شركات الإنتاج قال الفرسان :” لازم نغيّر اللوك لشركة الإنتاج لأنها ما بتنتج لأربع شباب” ، هناك كمية جميلة من الأغاني التي أنتجت في الماضي لفنانين كبار وجميل أن نوصلها بأصواتنا .